رأيك فى الحب إيه

•ما هو الحب في رأيك

؟!

الحب احلى حاجه ف الدنيـا بس لو كان ف تفاهم وحب حقيقى بين الطرفين وتضحيه وكفايا انك تلاقى حد معاك دايما وقت تكون فرحان او حزين بيشاركك كل حاجه هو دا معنى الحب بجد

•هل انت متزوجـ

ـه ام " عزوبيـے

عزباء " ؟!
عزبااااء

•هل تؤيد الزواج عن طريق العادات والتقاليد

ام تختار شريكـ

ـة حياتك بنفسك

؟!

مش ضد الجواز التقليدى لان شوفت كتير حواليا ونجح بس اهم حاجه انو يكون ف تفاهم ويكون متدين عشان يتعامل معايا بما يرضى الله دا لو جواز تقليدى وعموما انا اتمنى اتجوز واحد بيحبنى وبحبو

•ماهي مواصفات فارسـ

ـهـ الاحلام بالنسبهـ لك

؟!
الواحد لما بيحب بيبقا واخد اللى بيحبو بيعيوبو ومميزاتو
بس لو هقول بقى موصفاتو
مش عصبى ومش عنيد عشان انا عنيده اوى ويكون حنين معايا اوى وبيحبنى ويخاف عليا ويكون عينو مش زايغه ويكو ن طيب وكريم وغيور بس مش بطريقه تخنقنى ويكون وسيم وجذاب كدا

•برأيك هل يوثر فارق العمر بين الطرفين على العلاقهـ

؟!
مش اوى بس يكون فرق السن بينهم ميزدش عن 6 او 7
عشان تفكيرهم ميبقاش مختلف

•هل يختلف معنى الحب عبر العصور

؟!
متهيألى
دلوقتى الحب مختلف كتيرررر وزمان كان بيحبو بجد ومقدرين معنى الحب
دلوقتى مش شايفه كدا

•حدثنا عن الجانب العاطفيـے فيـے حياتك باختصار

؟!

ينفع مجاوبش

•ما هو رأيك في المقولة التيـے تقول" نظرة فابتسامة فموعد فلقاء"

؟!
دا مش دا بيبقا اعجاب او بدايه حب وبيحصل كتير اوى
وبتقلب بحب فعلا

•ماهي مراحل الحب الحقيقي في رأيك

؟!
هيبقا اعجاب
بعدين تفاهم
بعدين اعتراف من الطرفين بالحب
وبقى الخطوبه والجواز
وسعاده وحياه وتانيه بعد كداا

•هل وقعت في الحب

؟!

اة

•من هو توأم روحك وبلسم جروحك

؟!

لا يوجد

•كيف وقعت في الحب " عن طريق مكالمة هاتفية,رسالة,ماسنجر,....الخ

؟!

عن طريق النصيب ربنا ارراد اعرف حد وعرفتو

•متى اخر مرت سمعت كلمة احبك

ومتى اخر مرة لفظت بها

؟!

من كام يوم حد قالهالى
وقولتها من فتره مش فاكره اد ايه

•ماذا تعنيـے لك كلمهـ احبك من فتاهـ

وماذا تعني لكي كلمة احبك من رجل

؟!
كلمه احبك ياريت اى حد يقولها يبقا عارف معناها
احبك يعنى انابخاف عليكى
عمرى ماهزعلك
لما تحتجينى هتلاقينى معاكى
وهكون احن حد معاكى ف الدنيا
وعمرى ماهزعلك ومهما تعملى انا معاكى وعمرى ما اقدر استغنى عنك
واكتر من كداا كمان معناهاا بجد

•هل تؤمن بالحب

عن طريق النت

؟!
مش عارفه صراحه بس متهيألى انو وسيله
بتعرفنا ببعض زى الجامعه كدا وبعدين لو اتقابلو مبقتش معرفه نت اصلا
ب

•برأيك هل تستمر العلاقة من خلال النت لفترة طويلة

؟!
اى علاقه ف الدنيا طول ماهى مبنيه ع الصراحه هتستمر حتى لو نت اوغيرو

•برأيك ماهيے ـ المدهـ التيـے تجعلك تحدد متـے تقول كلمهـ احبك لمن يستحقها

؟!

مش بالمده وقت ما احسها بقولهااا بس اندم اوى لو قولتها لحد ميستهلهاش

•برأيكـ ماهو اجمل مافي الحب

؟!

كل حاجه ف الحب جميله بس لو ف
ثقه هيبقا الحب جميل اوى

•برأيك ماهو اسوأ

اصعب مافي الحب

؟!

عدم التفاهم

•بوجود الحب هل يشترط وجود السعادهـ

؟!

اكيد الحب اساس السعاده حتى لو كان
حب اللى حوالينا مفيش سعاده من غير حب

•هل تؤمن بالحب من اول نظره

؟!
لا بيبقا اسمو اعجاب لان الواحد بيبقا اعجب بالمظهر الخارجى بس ميعرفش لسه طباع الشخص دا ولا اسلوبو عشان يقول انو بيحبو

•هل الغيرهـ ضروريهـ في الحب

وما هو دورها هلو ايجابي ام سلبيـے

؟!

الغيره دورها الايجابى انها دليل الحب هيا اللى بتعرفك انت بتهم الشخص دا وبيغير عليك وبيحبك
دورها السلبى انها لو زادت عن الحد بتوصل لخلافات ومشاكل كتير اوى وبتقلب بعدم ثقه

•هل من الممكن ان يكرهـ الانسان الشخص الذيے احبهـ

؟!

اللى يحب انسان عمره ما يكرهو
او يفكر انو يكرهو مهما عمل فيه

•هل مرت عليك قصص حب قبل ذلك

؟!

اهااا

•هل مرت عليك قصة حب في طفولتك

ايام المراهقة

؟!

اكيد مين محبش وهو صغير بس لما بفتكرها بضحك يعنى
لانو مسمهاش قصه حب هههههههههه

•احببت شخص حتى الجنوون ثم تفاجأت بانه لا يبادلك نفس الشعور

ماهي ردهـ فعلك

؟!

هبعد عنو اكيد محبش ادى حب لحد وميقدرش حبى ليه
ع ايه هتعب قلبى معاه يعنى

•احببت شخص ولكن لم يكتب لكما ان تكونا لبعض

هل تقبل ان تحضر حفل زفافهـ

ـها

؟!
اة طبعااا هروح هحب اشوفو جدااا
وابقى فرحانه ليه جدااا واتمنالو كل خير

هايل يا امير

تسلم اديك

متشكر جداً على مرورك يا جوبا

بجد الكلام رائع يا امير بجد تحفة
تسلم ايدك
ومستنيين المزيد
ان شاء الله

شكراً على ذوقك يا رحاااااااااااااب

وإنشاء الله هيكون فيه المزيد

ان شاء الله
وانا مستنية

جماعه اية رايكم فى الحب من خلال الشاتنج او مواقع الدردشة والتعارف ؟
هل الحب دة بيباة حب بجد وهل ممكن يستمر وهل ممكن ينتهى بجواز؟
وهل هو بيباة حب حقيقى ول لاء بجد حااجه غريبه جدا!!

اية رايكم فيها اية رايكم فى الحب من خلال الشاتنج او مواقع الدردشة؟

بجد موضوع جميل ياامير اوووى
والردود جامدة بجد ومقنعة جدا وواقعية جدا جدا
توبيك هايل والله

اقتباس :: اية رايكم فيها اية رايكم فى الحب من خلال الشاتنج او مواقع الدردشة؟

بوص ياامير
هيا اكيد هتختلف كتير
يعنى انا عن نفسى مثلا عمرى مادخلت شات او دردشة او كدة
بس من اللى بسمعة ان معظم الناس اللى بتدخل هناك
بتبقى داخلة تتسلى
تضيع فى وقت
تصاحب
تشبع رغبة جواها او جواة مش قادر يخرجها فى الواقع
او فى الحقيقة يعنى

بس دة اللى بنسمعة وغالبا بيبقى صح

وغالبا كمان بتلاقى ناس محترمة وداخلين عادى
بس بصراحة انا مش مقتنعة بدة خااالص
يعنى اللى يخلى بنت تدخل مخصوص
عشان تتعرف على اولاد واسمك اية ومنين وبتاع
والولد نفس الحكاية
داخل يتعرف على بنات مش بنت واحدة
فطبيعى بتبقى مش مظبوطة خالص
كل ولد بيبقى داخل حاطط قدامة ان البنت دى داخلة شات
يعنى زى ماكلمتنى هتبقى كلمت غيرى
والبنت برضة لو كلمت ولد واعجبت بشخصيتة
طيب ماهو اكيد كلم بنات غيرك على الشات برضة

ودايما كمان بيبقى كلة خداع كدة
الولد بيضحك على البنت ويرسملها انة تامر حسنى
والبنت تقولة دة انا نانسى فى زمانها
ماهو ولا هوا شايف ولا هيا شايفة
فمش هتفرق....
بس بتبقى من ناحية البنت اكتر شوية
يعنى ممكن اى ولد يدخل شات وعادى جدا ماهو ولد ..
لكن البنت بصراحة اللى بتدخل شات الله اعلم
انا مش بحب كدة خالص ولازم هتتفهم غلط
لانها داخلة تتصاحب على ناس كتير اولاد اكتر
وبنات معظمهم اولاد برضة
فمعروفة من البداية

بس خلى بالك
انا ردى على السؤال دة
فبخصوص الشات ومواقع الدردشة
اللى بيجى من وراها حاجات مش حلوة

يعنى اكيد بتختلف عن المنتديات
واكيد برضة مش كلها
منتديات محترمة كتير ممكن وقتها اقولك يكون فية احترام
بين اتنين ممكن يتحول لحب لانة بيعتبر وقتها وسيلة
مجرد ما بيتقابلوا ولو مرة واحدة من بعيد حتى
بيرجع تانى ويبقى حب عادى جدا زى الحب الواقعى بالظبط
فأكيد مش بتفرق خالص

بس احيانا بيبقى حب صادق لما يكون الاتنين بانيين حبهم على الاحترام
واحيانا بيبقى حب فاشل لو هما الاتنين او حد واحد فيهم
مش كان قد احترام الحب دة

وفية برضة منتديات مش كويسة
بس اكيد المنتديات اللى مش كويسة دى
البنت او الولد اللى فيها
يقدروا هما اللى يحددوا انهم محترمين او لا
مش المنتدى اللى هيجبرهم
يعنى طول ما البنت محترمة هتقدر انها تكمل احترامها دة
حتى لو المنتدى مش كويس

يعنى من الاخر
النت دة عالم كبير اووى
فية الوحش وفية الحلو
فية المحترم وفية اللى مش محترم

بس
طول ماانت محترم مع اللى قدامك
هتجير كول اللى قدامك سواء ولد او بنت
انهم يحترموك

وبتهيألى معظمنا دلوقتى يقدر يحكم
بين الولد المحترم او الولد اللى مش محترم
او البنت المحترمة واللى مش محترمة
وربنا يبعد عننا الناس الوحشة

يارب تكون فهمتنى ياامير

ونايس توبيك مرة تانية

بجد الموضوع حلو اوي يا امير وكمان السؤال مهم جدا

وبصراحة مش عاوزة اعيد نفس الكلام بتاع ساسو واطول عليكو للان كلامي مش هيبقي مختلف كتير عن كلام ساسو للانو رائها اعتقد انو دا برضو الي انا شيفاه وانا رائي من رأيها

الحب جحيم يُطاق . . والحياة بدون حب نعيم لا يطُاق

والله عندك حق يا امير

تكلم هامسا حين تتكلم عن الحب
وليم شكسبير

الحب سلطان ولذلك فهو فوق القانون
الحب كا ا لحرب من السهل ان تشعلها . لكن من الصعب أن تخمدها
الحب هو اللعبه الوحيده التي يشترك بها أثنان
ويكسبان فيها معا او يخسران معا
الحب جزء من وجود الرجل
ولاكنه وجود المرئه با اكمله
بيرون

الحب يستأذن المرأة في ان يدخل قلبها
وأما الرجل فا انه يقتحم قلبه دون استئذان
وهذه مصيبتنا
برنارد شو

اذا كنت تحب امرأة فلا تقل لها احبك
ان هذه العباره أول ما تجعل المرأة تفكر في السيطره عليك
كلارك جيبل

اذا احب الرجل امرأة سقاها من كأس حنانه
واذا أحبت المرأة رجلا أظمأته دائما الى شفتيها
بيرون

الحب يدخل الرجل عبر العينين
ويدخل المرأة عبر الأذنين
مثل بولندي

الرجال يموتون با الحب
وانساء يحيين به
دوبر ييه

الغيره هيه الطاغيه في مملكه الحب
سرفانتيس

المرأة بلا حب أمرأة ميته
أفلاطون

ان الحب يهبط على المرأة في لحظه سكون
مملوئه ب االشك وألأعجاب
ويلز

قد يولد الحب بكلمه ولاكنه لا يمكن أبدا أن يموت بكلمه
الحب لا يقتل العشاق ..هو فقط يجعلهم معلقين بين الموت والحياه
جيرالدي

في الحب خطابات نبعث بها
وأخرى نمزقها
وأجمل الخطابات هي اللتي لا نكتبها
افلاطون

خير لنا أن نحب فنخفق ، من أن لا نحب أبداً
(تشيسون)

يصعب أن نكره من أحببناه كثيراً
(كورنايل)

نتائج الحب غير متوقعة
(ستاندال)

ليس بالحب إلا ما نتخيله
(بيف)

الحب زهرة ناضرة لا يفوح أريجها إلا إذا تساقطت عليها قطرات الدموع
(محمد عبد المنعم)

الحب أقوى العواطف لأنه أكثرها تركيباً
(سبنسر)

الحب هو الدموع ، أن تبكي يعني أنك تحب
(سانت بوف)

الحب سعادة ترتعش
(جبران)

قد تنمو الصداقه لتصبح حبا ,,ولاكن الحب لا يتراجع ليصبح صداقه
بيرون

» (((((((((((( بكل الحب هنتكلم فى الحب )))))))))))))
» الحب هو.....!!!
» ما هو الحب
» اقوال فى الحب
» وحدة الحب