شيل سكينة الكهربا وأنتخ وكبر ونفض واستهبل واعمل فيها عبيط ... بلا حب بلا كلام فارغ...!!!!

لو كنت حبيب والحته بتاعتك أديتلك أستماره 6 أو عشت معاها دور ((( ديكابريو ))) وفجأه ...........؟
ندلت معاك وزقتك من فوق العباره ((( تيتانيك )))
ولوباعتك فى أول كمين واتجوزت واحد تانى لمجرد انه غنى ومتريش وانتا مش لاقى تاكل وبتقضى بقية عشاك يعينى نووم وأحيانا مش بيجيلك نوم بعد ما بتديلك ((( ميسد ))) وقمت سعادتك متصل بيها علشان فاكرها بتتشحتف عليك وحاتمووت وتسمع صوتك لقيتها
بتقولك ......... ياريت نبقى أصحاب لان انا معدتش قادره استحمل الضغوط اللى عليا ومضطره للاسف انى اتجوز واحد مبحبوش بس الظروف حكمت بقى ...!!!
اوعى تتصدم وتعتكف فى اوضتك وتسيب دقتك طويله وترص (( وينامب ))) محترم فيه كل اغانى اليأس والاحباط والخيانه واوعى تعيش دور المصدوم وتصمم انك تروح ترقص فى فرحها وتغنى ((( انا لامسطول ولا بطوح ))) ...
سيبسك من ده كله وعيش حياتك ومتحاولش تقنع نفسك انك كنت بتحبها صحيح وهى اللى خانتك لان الحوارات دى انتهت مع اخر قطره دم سالت من (((فان جوخ ))) عندما مات منتحرا من اجل حبيبته ومع اخر نفس خرج من ((( كليوباترا )))حزنا على المحروووس ((( انطونيو ))) ومع اخر صرخه أطلقتها ((( هنادى )))دافعه ثمن الحب الباهظ....
دول الناس اللى حبوا صح ياترى انت بتحب صح....!!!؟
وياترى المزه اللى المفروض انك بتحبها تستاهل ان ناموسه تقرصك وتتحملها من أجل الحب فوق هضبة الهرم .......!!!
يبقى الافضل انك تنفض وتستخدم التكنولوجيا الحديثه لكى تساعدكفى ارساءمبدأ التنفيض ... ماهما بيستخدموها فى حاجات كتير هى يعنى جت عليك ...؟
اول حاجه اعمل (((turnon ))) لدماغك بعد كده اقف بالماوس على البارتيشن اللى كنت مسيفه باسم ((( my love ))) واديها كليك يمين وانزل على ((( format ))) وغمض عنيك ودوس بقلب جامد حايحصل ايه يعنى ... وبعدين اديها ((( yas to all ))) وبص على النافذه التى تقوم بطرد الملف من هارد افكارك الى غير رجعه وطلع تنهيده عميقه من أقصى أعماقك وبكل قسوه بعد ان تتم الفرمته ويصبح الملف خاويا .
وكبر دماغك ياعم بلا حب بلا وجع قلب هما يعنى اللى حبوا عملوا ايه يعنى ..!
بس اوعى عقلك يوزك وتفكر تجيب برنامج (((recover for all ))) اللى بيرجع الملفات المفقوده
، شفت ازاى الموضوع سهل والتكنولوجيا سهلت حاجات كتير ،
ولو يعنى صعبان عليك البارتيشن يفضل فاضى ممكن تمشى نفسك دلوقتى بأى علاقه على السريع تضيع بيها وقتك وتعيشلك يومين بعد كده سيبها واهو البنات اليومين دول بقوا على قفا من يشيل على الاقل تنتقم لكرامتك المجروحه أو تنضم للجموع الغفيره من المتحرشين وتشوف فى كل واحد حبيبتك الخالعه وانتقم براحتك وكحرت كل يوم واحد واتنين وتلاته ....
أو تقمص شخصية سفاح النساء بتاع المعادى وتقتل كل يوم واحده ....................!!!!


سورى لكل البنات الحلوين الطيبين اللى بيسمعو الكلام...


الاحسن من ده كله انك تطنش وتنفض وتعيش حياتك وتستهبل وكأن مفيش حاجه حصلت أساس يعنى من الاخر تعمل ((( turn off ))) للقصه أو تشيل سكينة الكهربا وتشد السيفووووووون..........
مش احسن برضه ..........!!!؟؟؟؟؟؟؟؟؟؟


((( ناصر الزيدى )))