استفتاء : هل الشاب الوسيم حلم كل فتاه.......................؟

سؤال مطروح للنقاش ؟؟؟؟؟

من الطبيعي أن يحرص الشاب أن تكون الفتاة التي يتقدم

لخطبتها على قدر كبير من الجمال ولكن ......

الغريب خصوصاً في السنوات الأخيرة حرص الفتاة أن

يكون خطيبها يملك من الوسامة الشيئ الكثير...

بغض النظر عن رجولته وشهامته لدرجة أن بعض

الفتيات يختارن شاباً وسيما لايملك من مقومات...الرجولة

شيئ ويفضلنه على شاب مكتمل الرجولة ولكنه ليس وسيماً !!!

صحيح أن الجمال للمرأة فقط ولكن يبدو أن الرجل بات

ينافس المرأة في هذا المجال ليواكب متطلبات العصر !!!

أمثال كثير من الفنانين اصحاب الوسامه

السؤال : هل الشاب الوسيم حلم كل فتاة ؟

النقاش مطروح للجميع شباب وبنات

اولا نايس توبيك يا ناصر
وبجد موضوع هايل

واحب اكون اول واحد اجاوبك على السؤال

انا من وجهة نظرى يا ناصر

ان الجمال مش كل حاجة

وعلى فكرة يا ناصر فى كتير مش الشباب او البنات
بيعتقدو ان الجمال كل حاجة

والغريب انهم ميعرفوش اية المستخبى ورا الجمال دة
ساعات يكونالانسان او الانسانة جميل اوووى بس تصرفاتة مش طبيعية او مش كويسة

ولا اية

وانا من وجة نظرى ان الجمال مش كل حاجة

انا بقا مش مقتنعة اصلا ان فى حاجة اسمها حد وسيم

يعنى معنديش حد شكله وحش وحد شكله حلو سواء ولد او بنت

عندى كل الناس زى بعض ... عااااااديين ... الفرق بس بيبان فى الشخصية

وبالنسبة للشباب بقا تحديدا انا هقول حاجة جايز تبان غريبة

وهى ان انا مبيعجبنيش الشاب الوسيم ( ده لو فرضنا ان فى حاجة اسمها كده اصلا ) .. وشايفة ان الصفة دى اللى هى الوسامة او الجمال مش المفروض نصف بيها الشباب اصلا يعنى المفروض تبقا خاصة بالبنات الى حد ما .. والشباب ليهم صفات تانية اهم من الشكل بكتير زى انه يكون متدين ..محترم .. معتمد على نفسه ..ايجابى .. اجتماعى يعرف يتعامل مع الناس كويس .. الخ

كل الصفات دى وغيرها اهم بكتير طبعا من الشكل والوسامة ... ده من وجهة نظرى المتواضعة

موضوع جميل

تقبل مرورى

هايل ياواد

تسلم يا قمر

هو المطلوب

انها تكون اكتر من القمر

بس الجمال مش كل حاجة

طبعا ياجماعه موضوع الشكل والوسامه مش شرط خالص
للارتباط انما الاهم من الشكل هو الارتياح او الانجذاب
لان مش كل الرجاله تغلب عليهم الوسامه
ولكن الاعجاب بالاخلاق والشخصيه بتضفى على صاحبها
جمال من نوع خاص
لا تراه جميلاً الا من اعجبت بطباعه فعلاً
بودى
كنزى
جوبا

شكرا على ردكم الجميل

بصراحه موضوعك جميل يا ناصر

انا ملاحظ فعلا ان فيه بنات بتهتم بالمظهر قبل كل حاجه
وبرضه نفس الوضع بلاحظه فى العكس
ان الولد بيدور على بنوته تكون احلى من القمر على رأى عمرو حبيبى
هوا لازم طبعا ان البنت تكون على قدر من الجمال
لكن مش كل حاجه الجمال
وبرضه مش معنى كلامنا اننا نختار ولد شخصيته جميله وفيه كل المواصفات المطلوبه
ومظهره مش كويس
برضه لازم يكون على قدر معين من الوسامه
بسى مش كل حاجه الجمال او الوسامه
ده طبعا رأيى الشخصى
تقبل مرورى

بجد الموضوع جميل جدا يا ناصر ومهم اوي
وبصراحة انا رائي مع راي الكلام الي اتقال قبل كدة
للان الشكل مش كل حاجة في حاجات كتير اهم من الشكل وبصراحة الواحد في الاول كان بينخدع بالمظهر
بس بعد كدة بيعرف انها مش كل حاجة في حاجات كتير اوي اهم من الشكل

نايس توبيك ياناصر
انا بقى بقول ان حكايه الوسامه دى مش ليها لزمه خالص
سواء للبنت او للولد
يعنى مثلا
هل البنت هتفرح بولد وسيم وبعد ما يتجوزا تلاقيه مش فيه صفات الرجوله
او مش كويس او بيعتمد على غيره فى حجات كتير او يكون مش محترم

هل بكده هتكون مبسوطه؟؟!!

وهل ان الولد لما يدور على بنت شرط يكون فيها الجمال

هل بكده هيكون مبسوط لو طلعت مش محترمه
او مش كويسه او عرفت شباب كتير وكده؟؟!!

انا فى نظرى ان الاخلاق هو تاج الجمال بعينه
سوااء للولد او البنت

كفايه انه يتقال الولد ده محترم
او البنت دى محترم
انا الجمله دى افضل عندى من ان البنت دى جميله
او الولد ده وسيم

تقبلوا تحياتى

» .:: لن اتزوج فتاه انترنت ::. - موضوع هام جدا للمناقشه .