هل كلمة اسف تمحى الجرح ؟!!

مواضيعك جميلة بجد ياكنزى
وفعلا بنلاقى فيها فرصة للمناقشة

وبالنسبة بقى لموضوع ان هل ممكن الاسف يمحى الجرح ؟؟

بصراحة انا شوفت كل الاراء اللى ردوا متفقة ان الجرح عمرة مايتنسى
وان كلمة الاسف عمرها ماتمحى جرح بس تمحى غلطة

بس بصراحة انا رايى مش كدة خالص

يعنى انا شايفة ان ايا كان جرحك لازم تكونى قادرة انك تسامحى
وحتى لو الجرح دة كان صعب عليكى
وممكن تتخيلى انك يستحيل تنسية
بس صدقينى جربى تسامحى فى كل مرة هتلاقى قلبك مرتاح
ومش هتديلة فرصة يبقى مش حابب حد او مجروح من حد

يمكن رايى مش يعجب ناس كتير
انا بصراحة عمرى مااتجرحت الحمد الله من حبيب
جرح بمعنى الجرح الجامد يعنى
بس يمكن اكون اتجرحت من ناس قريبة منى اوى
بس قدرت انى اسامح بمجرد انى حسيت بصدق كلام اللى قدامى

او حتى بمجرد انى حسيت انة غلط او ندمان على حاجة عملها

وبصراحة لو الحد دة غالى عليا اوى
هقدر اسامحة حتى لو مش رجع يتأسف على الاقل هكون انا من جوايا
مش زعلانة.. وهقدر انى اعمل كدة
لان طبيعى انك انتى او انت اقوى من الجرح اللى هيدخل قلبك

وعلى فكرة ياكنزى
انتى بتقولى ان مش فية حد بيجرح من غير قصد

لا فية صدقينى
ممكن انسان يجرحك من حبة اوى فيكى ومن غير مايقصد
وانتى تاخديها انها جرح كبير بالنسابلك

دى بتختلف اكيد من شخص لتانى
بس انا كان رايى بصراحة من وجهة نظرى
ان ايا كان الانسان اللى قدامى جرحنى
ورجع واتاسف وحسيت انة ندمان
هسامحة علطول
والا لو مش سامحتة هبقى مش كنت بحبة اصلا

وبعدين لازم نسامح طول حياتنا
والا لو كل جرح مش سامحنا علية
هنخلى قلبونا كارهة كل الناس لاننا طبيعى بنتجرح من كل الناس
فلازم نسامح عشان نقدر نداوى كل الجروح دى

معلش طولت عليكى
يارب اكون قدرت اوصلك اللى جوايا
بجد ربنا يوفقك ياقمر وتجيبلنا دايما مواضيع جميلة زيك كدة